China komited negapka kaul enggau Sarawak

Datuk Lee Kim Shin (photo sourced from http://www.dun.sarawak.gov.my)

Follow and subscribe to DayakDaily on Telegram for faster news updates.


KUCHING, Mac 23: China kemari mantaika komitmen negapka kaul enggau Negeri Sarawak kemari dalam bidang dagang temuai.

Pekara nya dipadahka Konsul Jeneral China ditu, Cheng Guangzhong lebuh ke nemuai pengeama sejam ngagai Menteri Muda Dagang Temuai Sarawak Datuk Lee Kim Shin, ba opis menteri nya di Bangunan Baitul Makmur ditu.

Lee madah randau iya iya enggau Cheng bepelasarka seka neguhka kaul dalam bidang dagang temuai, pelajar enggau projek ‘Satu Jalur Satu Jalan’ (OBOR).


“Aku meri terima kasih ngagai iya laban ke nyanggup nyadi pengelicha ba seminar OBOR ti lalu bekunsika peluang enggau pemar ke ditapi dalam industri nya,” ku iya lebuh dikerandau pengudah nya.

Cheng ke baru dituduh mangku pengawa ari Fu Jijun ke dulu ari tu, madahka nyadi orang baru iya deka nguji naka ulih ngetanka kaul manah entara Sarawak enggau China. — DayakDaily