KUCHING, April 2: Chairman Parti Sa’ati Rakyat Sarawak (SUPP) Pampang Kuching Datuk Lily Yong besemaya raban pengawa bepilih parti nya sedia nyatup Parti Tindakan Demokratik (DAP) ari menang mudah di Parlimen Bandar Kuching ba Pilihan Raya Umum Ke-14 (PRU14).
Parlimen Bandar Kuching majoriti Cina ke nyadi kuta kuat penyakal pengeama tiga penggal, diatu disandang Pengerusi DAP Sarawak Chong Chieng Jen.
Taja pia, Barisan Nasional (BN) nengah SUPP semampai gagit deka nguluhka pulai sitak nya ari DAP.
Bejaku ba aum media pengudah bejadi Bilik Operasi SUPP Pampang Kuching ke Parlimen Bandar Kuching di Jalan Sungai Padungan, Yong madahka nadai utai nyamin DAP deka terus menang, tang SUPP sedia nyatup munsuh nya ngambika sida napi pemar.
Yong Pengarah Operasi SUPP Kuching ngaku SUPP Kuching mantaika dua nama chalun lelaki gambika diperunding napi PRU14 ba kerusi Parlimen Bandar Kuching. — DayakDaily
