Rang Undang – Undang Perbekalan Tambah (2017) 2018 dikemendar

Cash. — DayakDaily.com file pic.// Photo: Pixabay

KUALA LUMPUR, April 2: Aum Dewan Negara sehari tu udah ngemendarka Rang Undang-undang Perbekalan Tambahan (2017) 2018 sepenyampau RM7.123 bilion ke belanja tambah ungkup servis sekeda opis menteri enggau opis.

Rang undang-undang nya dikemendar nengah sukung majoriti pengudah dibacha Menteri Wang II, Datuk Othman Aziz ungkup ketiga kali.

Belanja tambah nya mungkur ungkup ke guna mayuh bengkah opis menteri ke tuju servis enggau pemansang nyengkaum bayaran bukai baka pinchin.

Opis menteri enggau ejensi nya nyengkaum Opis Menterial Pelajar, RM891.1 juta, Opis Menteri Dalam Negeri (RM804.27 juta), Opis Menteri Bumai enggau Betanam Betupi (RM685.49 juta) enggau Opis Menteri Pengerai (RM479.07 juta).

Kelimpah ari nya, Opis Servis Mensia Mayuh nerima belanja tambah RM395.74 juta ditangkanka Opis Menteri Komunikasi enggau Multimedia sebanyak RM24.3 juta, Komiti Pengawa Bepilih (RM82.07 juta) enggau Opis Munaska Makai Suap Malaysia (RM35 juta). — DayakDaily