PUTRAJAYA, Okt 20: Strategi “Cloud First” tauka ‘Pengkomputeran Awan Pertama’ deka dipasuk ke dalam agenda nasional, berengkah enggau dengan sektor perintah, laban nya beguna amat ke transformasi digital organisasi, ku Menteri Besai Datuk Seri Najib Tun Razak.
Ku iya, nguna strategi nya ulih mantu perintah jampat agi ngemujurka servis sektor perintah inovatif ke enda nguna belanja modal tinggi dikena beranakka puku dalam infrastruktur Teknologi Pemadah (IT) baka pusat data, pemeri servis sereta naruh data.
“Nengah tu perintah ulih ngungkupka belanja ke program-program ti meri lebih impak ngagai rayat.
“Nengah strategi tu, enda disangkal perintah ngatur singkang ngulu ngemeranka bungkur transformasi digital,” ku iya pengudah nyadi chairman Aum Majlis Pelaksanaan Koridor Raya Multimedia (MSC) Malaysia ke-29 di Perdana Putra, ditu kemari.
Sama bisi datai Menteri Komunikasi enggau Multimedia Datuk Seri Dr Salleh Said Keruak sereta sapit iya Datuk Jailani Johari, Menteri Pekara Wang Kedua Datuk Seri Johari Abdul Ghani, Menteri Perengka Pengangkut Datuk Seri Liow Tiong Lai enggau Menteri Pelajar Tinggi Datuk Seri Idris Jusoh. — DayakDaily
