Peranak Long Leng lantang seput udah bisi karan 24 jam

Lightbulb. — DayakDaily.com file pic. // Photo: Pixabay

MIRI, Oct 20: Peranak rumah panjai di Long Leng, diatu berasai gaga ati laban udah bisi karan 24 jam ti nguna kuasa solar ke dibekal perintah nengah Program Bekalan Elektrik Luar Bandar (SARES).

Menteri Muda Utiliti, Dr Abdul Rahman Junaidi madah, sistem solar nya meri pemaik ngagai penguna laban nadai ninga bunyi inggar ari injin api agi

“Diatu peranak di rumah panjai di Long Leng ulih ngasaika perengka guna ti disediaka perintah ke lalu meri pemaik ngagai anak uchu sida kelebih agi ba pekara belajar,” ku iya.

Ku iya baru, peranak ba kandang menua nya mega ulih ngangkatka penatai pemisi sida pengudah bisi karan kelebih agi ngereja pengawa numbuhka homestay.

“Long Leng bisi potensi dalam bidang dagang temuai laban ngembuan rampa ke manah enggau bemacham produk asil pengelandik jari,” ku iya.


Iya mega ngelalau peranak rumah panjai nya nyaga rengka kuasa solar nya memanah.

Abdul Rahman mega madah, perintah diatu bebendar deka ngemansangka sistem digital di serata nengeri. Tu nyengkaum di Long Leng ngambi ngemudahka peranak menua nya ngaul diri enggau dunya luar,” ku iya.

Nengah awak nya, Dr Abdul Rahman bisi nyuaka bantu belanja RM5,000 dikena sida ngaga gerija.

Rumah panjai di Long Leng bisi 41 pintu ke diuan 164 iku. — DayakDaily