Staf perintah negeri dibayar insentif sebulan gaji tauka minimum RM2,000

Cash. — DayakDaily.com file pic.// Photo: Pixabay

KUCHING, Nov 18: Kepala Menteri Datuk Patinggi Abang Johari Tun Openg kemari madah, keterubah endar perintah meri insentif sebulas gaji tauka minimum RM2,000 ungkup pengereja pengawa perintah.

Ku iya, insentif nya deka dibayar bulan Disember tu ila.

Ku iya, perjntah bisi pengulih ari sukut belanja mayar insentif nya ke beungkus RM 45 juta.

“Aku pechaya bayar insentif tu deka meri peransang ngagai staf perintah ngambika manah manah agi,” ku iya lebuh nutup jurai Aum Kunsil Negeri ditu, kemari.

Ku Abang Johari, kenyau beberapa taun ke udah staf perintah Sarawak udah gawa enggau manah taja pan nejalaika tanggungpengawa ke berat lalu penambah tating kereja ari sukut program enggau projek.


“Tu dikena malas pengawa manah sida ke nyaup ngemansangka negeri ke pemaik rayat.

“Bayar insentif tu mega bepelasarka gaya belanja ti manah asil komitmen sida ke meri servis, belanja ke teatur, nguna belanja ke bisi disiplin bala staf perintah,” ku kepala menteri. — DayakDaily