KUCHING, Nov 18: Sapit Kepala Menteri Datuk Amar Douglas Uggah madah, di Matu bisi 14 projek sawit ti mungkur pemesai tanah 1,025 hektar lalu ke pemadu besai iya nya di Tanjung Jol ke.mungkur pemesai15.97 hektar ba taun 2016 ke nerima dividen RM25,000.
Penerima dividen ke pemadu baruh iya nya RM134.86 setaun ke alai dandang sawit nya mungkur pemesai tanah 0.0861 hektar.
Puku rata, pesereta Felcra di Matu nerima dividen RM1,055 sehektar setaun.
Uggah ke mega Menteri Betanam Betupi Moden, Tanah Adat enggau Pemansang Kandang Menua madah, pesereta Felcra di Sadong Jaya nerima dividen ke pemadu mayuh iya nya RM28,172.74 ungkup kebun ke mungkur pemesai 23.76 hektar ba taun 2016.
Puku rata dividen ke projek Felcra di Sadong Jaya nerima iya nya RM518 sehektar ba taun 2016 dibanding puku rata Sarawak RM1,456 sehektar.
Lalu pesereta di Sadong Jaya ke pemadu mimit nerima dividen iya nya RM415.07 setaun pemesai kebun 0.35 hektar.
Penerima dividen Felcra ke nerima penyampau dividen mimit di Sadong Jaya dibanding enggau dividen Sarawak, ketegal kusut asil Buah Tandan Sawit ba tanah kerapa, pengudah nengah proses ngidupka baru ketegal diserang penyakit ari indu utai, tirathaba mundella.
Uggah bejaku munyi nya lebuh ke nutup jurai Aum Kunsil Negeri Ke-18 kemari. — DayakDaily
