SKMM udah minta dua portal berita online muai artikel ti ngelanggar atur

Keyboard. — Dayakdaily.com file pic. // Photo: Pixabay

PETALING JAYA, Feb 17: Suruhanjaya Komunikasi dan Multimedia Malaysia (SKMM) udah minta dua buah portal berita online muai sekeda artikel ke ngelanggar atur.

Siti ari portal udah dipinta muai tujuh iti artikel, lalu siti agi portal, Malaysia Today, dipinta muai siti artikel kena pukul 4 Hari Lima tu tadi (Feb 16).

Surat madahka SKMM udah nerima sebana ari mensia mayuh bekaul enggau artikel nya.

“Nitihka sebana, SKMM udah beratika pekara nya lalu tetemuka artikel nya enda setipak enggau Seksyen 233 Akta SKMM taun 1998,” pia ku surat kena Feb 15 nya.

Semua lapan artikel nya mantaika isu ke diatu enggau politik menua, ti nadai belalai mantah ketuai enggau bala ketuai politik.

Malaysia Today bisi mantaika baru suray SKMM nya ba website sida, tang portal berita ke bukai nya enggai nimbal bekaul enggau pekara nya. — DayakDaily