Sitak Miri dipelaba ‘angat’ maya PRU14

An aerial view of Miri city.

MIRI, Feb 24: Siti ari kerusi dipelaba angat maya pengawa bepilih besai ke-14 (PRU) iya nya Miri ti ngembuan 69,000 iku pengundi berejista.

Ba pengawa bepilih besai ke sebedau tu, Dr Teo Yu Keng Won ngarika PKR udah menang ba kerusi lalu teulihka 80 peratus undi bansa Cina enggau majoriti 1992 undi.

Dikena nentuka BN ulih ngambi pulai kerusi nya, SUPP diberita deka enchalunka Sekrwtari Besai arti nya Datuk Sebastian Ting, ti tebilang ba renggat ke baruh.

Kelimpah ari nya, nama Ketuai pemadah Adam Yii mega bisi disebut tang Sebastian ke mega Kaban Kunsil Negeri Piasau diberita ngembuan pengelebih laban populariti iya diatu manggai ba tikas 40 peratus nitihka sebengkah pansik.

Dipelabaka kerusi nya deka diperebut nengah empat penyuru enti PAS enggau Star ngambi pemutus bediri minta pilih.

Taja pia penganalisis politik pechaya perebut nya ke bendar entara chalun BN enggau PKR. — DayakDaily