RM34.5 juta udah dikemendar dikena ngemansangka Betong, Bukit Saban

Deputy Chief Minister Datuk Amar Douglas Uggah Embas

BETONG, Julai 2: Sapit Kepala Menteri Datuk Amar Douglas Uggah Embas, madah naka ke diatu perintah negeri udah ngemendarka belanja RM34.5 juta ke pemansang Betong nyengkaum Bukit Saban.

Semua ungkup belanja nya dikena ngemujurka mayuh bengkah projek nyengkaum betanam betupi, munaska penyeranta, perengkaguna nyengkaum lektrik, sistem entali ai enggau paritan sereta jalai ngagai genturung pendiau.

Ku iya, pengari rayat bulih ungkup belanja RM5 juta dikena ngaga projek “lengkas” dalam sitak sida.

Bejaku ba pengerami Nyambut Pengabang Gawai enggau Aidilfitri Bukit Saban 2018 di Dewan Mayuhguna Spaoh, Uggah besemaya ke alai perintah deka majak nyendiaka utai ke diguna peranak menua nya nyengkaum merambu ngangkatmanah balai ngambi pulaika pengelantang raban bansa dia. — DayakDaily