KUCHING: Seraban pemerindang udah kena histeria lebuh ke merindang ba Festival Praktikum Komplek Dewan Kunsil Nengeri lama ditu urung pukul 9.00 malam kemari.
Raban pemerindang nya disadang deka merindang ba panggau ke alai sida lalu kena sereta rerauh ba tetengah pengerami beperindang enggau raban pemerindang kedua.
Pengerami nya nyadi kalut pengudah raban pemerindang ti ngena ngepan asal nya rebah sereta rerauh ti ngujungka seraban ke bukai lalu berumban mantu.
Penyampau ke amat raban pemerindang ti kena histeria nya enda temu, tang pengerami udah dipandak ketegal pekara nya.
Sida ke histeria nya lalu dibai pansut ari komplek.
Pekit lagu enggau tanda asal renggat nengeri nya diatur Opis Menteri Dagang Temuai, Arts, Main sereta Adat, Nembiak Lumba nengah kerejasama enggau Gerempung Arts Sarawak.
