Semua institusi ari baruh KPM diperintah badu meli surat berita Utusan Malaysia

Newspapers. — DayakDaily.com file pic. // Photo: Pixabay

KUALA LUMPUR, Ogos 2: Opis Menteri Pelajar udah merintahka semua sekula, universiti, kolej, ejensi enggau institusi ke ari baruh pegai opis nya badu ngenyit meli surat berita Utusan Malaysia.

Memo ti dikeluarka kena Julai 18 nyin tadi bekaul pekara nya dikeluarka Wan Saiful Wan Jan, Pegawai Khas Menteri Pelajar Dr Maszlee Malik.

“Ngagai YBhg Dato, YBM minta semua bagian, ejensi, sekula, universiti, kolej enggau semua institusi dalam Opis Menterian Pelajar Malaysia dipinta badu ngenyit meli surat berita Utusan Malaysia,” ku isi memo nya.

Memo nya ditujuka ngagai Ketuai Sekretari Opis Menteri Pelajar, Datuk Dr Mohd Gazali Abas.

Isi Utusan Malaysia, surat berita ke diempu UMNO nyerumba pengawa bepilih besai (PRU) tu tadi dipeda pemerati media enggau politik kelalu balat negika Barisan Nasional (BN), sereta mantah Pakatan Harapan, kelebih agi Menteri Besai Tun Dr Mahathir Mohamad. — DayakDaily