Sekula misyen diungkupka belanja 50 juta tiap taun

Classroom. — DayakDaily.com file pic. // Photo: Pixabay

SEREMBAN, Mac 20: Opis Menteri Pelajar ngungkupka RM50 juta tiap taun ngagai sekula misyen di serata menua kenyau ari taun 2009 nyentuk ke diatu dikena nyeruri sereta ngangkatmanah perengkaguna di sekula nya.

Sapit Menteri nya Datuk Chong Sin Woon ungkup belanja nya dipunka kenyau ari Datuk Seri Najib Tun Razak nyadi menteri besai ba bulan April 2009 lalu diatu 400 buah sekula misyen bulih pemaik ari inisiatif nya.

“Perintah beratka tanggungpengawa sekula misyen laban nya meh ke pemadu tumu nyendia pelajar ke pemadu manah di menua tu. Ke bendar, perintah meri sukjng belama ngagai sekula misyen laban ti mayuh udah mantu nyendiaka pelajar ngagai rayat Malaysia,” ku iya ba aum media pengudah bejadi aum ke-7 Pendidikan Lasallian 2018 (MaLEC 2018).

Berebak enggau nya, 120 raban ari serata Semenanjung Malaysia ngulu edisi ke-7 MaLEC nya ti fokus ngagai pelajar ke pengelikun, pengelurus enggau mensia ti mandangka philosophi bepelasarka polisi pelajar Lasallian.

Aum nya berandauka beberapa topik baka sekula sebagi ari komuniti pelajar profesional, ngubah bilik kelas nguna kereban pintar, trend enggau napi pemar. — DayakDaily