Pemujur nembiak Sarawak dalam STEM agi baruh ari 60 peratus

Dato Sri Michael Manyin

KUCHING, Mac 20: Pemujur nembiak Sarawak dalam bidang Sains, Teknologi, engineering enggau Matematik (STEM) diatu agi jauh ari baruh ke ditagit, iya nya 60 peratus, ku Menteri Pelajar, Sains enggau Pansik Teknologi Sarawak Datuk Seri Michael Manyin Jawong.

Ku iya, dalam timpuh lima taun ke udah, dipeda nyata endar penurun penyampau nembiak tama ngagai aliran sains ba renggat Form Empat, lalu enti trend tu dipajakka, nya dipelaba deka meri penanggul ke besai ngagai menua.

“Nya kebuahb program ke bekaul enggau STEM neguna aamat dikena ngangkatka prestasi nembiak,” ku iya ba pengerami bejadi Aum Kepala Pengajar Sarawak (Zon Selatan) 2018 dith kemari

Aum pengelama tiga hari dipelaba dwka berandauka chara ngangkatka kualiti kepala pengajar ngatur pengawa enggau ngiring dalam bidang pelajar sereta negapka kaul apai indai enggau komuniti di sekulahl.

Ku Manyin, aum ti berambaika jaku “Memimpin untuk Kecemerlangan Pendidikan” nya mega betuju untuk besaumka chara ngiring ke pemadu manah, kelimpah meransang kaul profesional ba raban kepala pengajar. — DayakDaily