Sektor servis nyendiaka 3.6 juta pengawa puang

Silhouettes of workers on a construction site. — DayakDaily.com file pic. // Photo: Pixabay

Follow and subscribe to DayakDaily on Telegram for faster news updates.


KOTA BELUD, Feb 24: Perintah ke dipegai Barisan Nasional (BN) udah mujur muka pengawa puang dalam sektor servis nyediaka peluang kereja ngagai bejuta rayat di menua tu, ku Menteri Komunikasi enggau Multimedia Datuk Seri Dr Salleh Said Keruak.

“Sektor servis diatu mantu 54.4 peratus ngagai Pemansut Kasar Dalam Menua (KDNK) enggau penyampau RM1.5 trilion ba taun 2017.”

“Sektor tu nyendia 3.6 juta peluang kereja ngagai rayat Malaysia ke tebal agi gawa ari kereja bepenatai pemisi tinggi dalam industri baka eDagang, sektor Teknologi Pemadah enggau Komunikasi (ICT) sereta nyaga pengerai,” ku iya.


Salleh ke mega Anggota Kaban Kunsil Negeri Usukan bejaku munyi nya lebuh bejadi Aum Besai Ninting Taun Gerempung Apai Indai enggau Pengajar (PIBG) Sekula Sekondari Usukan ditu kemari.

Ku Salleh pengulih muka bejuta peluang kereja nya asil ari polisi enggau perambu silik ti ngira pemansang dunya diatu sereta nempa pengelikun di menua tu. — DayakDaily