Saup perintah nerangka pemaik Rang Undang-Undang Tanah (Ubah) 2018 — Uggah

Datuk Amar Douglas Uggah Embas

SIBU, Julai 16: Ketuai raban bansa asal patut mantu perintah nerang ngagai bala nembiak ke alai Rang Undang-undang Kanun Tanah (Ubah) 2018 ti dikemendarka ba Aum Dewan Kunsil Negeri kena Hari Empat nyin tadi bekaul enggau tanah Hak Adat Bansa Asal (NCR), ke bendar iya meri mayuh pemaik ngagai sida ke ngempu tanah.

Sapit Kepala Menteri Datuk Amar Douglas Uggah Embas, madahka ubah nya tentu ukai deka ngerampas tanah nya ‘Pemakai Menoa’ (Domain Kandang Menua) enggau ‘Pulau Galau’ (Rizab Kampung Komunal) ari sida, ke mega dua komponen ke peadu beguna dalam tanah NCR.

Iya bejaku unyi nya lebuh bejadi pengrami Gawai Ngiling Bidai ke diatur Serakup Nembiak Dayak Sarawak Dayak (Pebedas), ditu malam kemari.

Ku Uggah, ngenyinuka ati ubah nya enda diperetj enggau manah sereta udah dipolitikka bala mayuh nyengkaum raban politik, ke betuju nyaruka runding tauka nempa pengirau enggau pengeringat ba mensia mayuh.

Ke bendar ku iya, ubah nya meri akun ke manah agi ngagai Pemakai Menoa enggau Pulau Galau ari baruh undang-undang. — DayakDaily