KUCHING, Julai 16: Perintah negeri ke dipegai Gabungan Parti Sarawak (GPS) deka terus bekerejasama enggau perintah Pakatan Harapan (PH) ngambika Sarawak terus mansang kelebih agi ari sukut pemansang infrastruktur, ku Kepala Menteri Sarawak Datuk Patinggi Abang Johari Tun Openg.
Ku iya, perintah negeri deka fokus ngagai pemansang ke mungkur semua nyengkaum pemansang di menua pesisir ngambika rayat ulih sama bela ngasaika pemansang nya.
Ku iya, maya mendingka penerang begulai enggau Tun Dr Mahathir Mohamad pagi kemari, menteri besai sempat meri beberapa langgur penemu sereta agenda ke pemansang negeri.
“Ba awak ke sama iya (Dr Mahathir) gagit amat sereta temegah ati enggau pemujur sereta pemansang di negeri ini,” ku iya madah ngagai pemberita lebuh dikerandau pengudah meri selamat jalai ngagai Dr Mahathir enggau bini iya Tun Dr Siti Hasmah Mohd Ali, di Padang Bilun Entarabansa Kuching ditu kemari.
Ku Abang Johari, taja pan bida bida ba kuing politik tang kerejasama entara perintah negeri emggau perintah PH deka terus ditegap. — DayakDaily
