SIBU, Dis 13: Sarawak Hidro Sdn Bhd (SHSB) belabuh ngelilihka ai ari Tekad Hidro Bakun dikena nurunka tikas ai ba tekat nya berengkah ari kemari.
Nitihka notis ti dikeluarka SHSB, pengawa ngelilih ai nya berengkah pukul 9 pagi kemari lalu dipelaba dipejalaika pengelama tiga minggu.
Pengawa dipejalaika bejimat sereta dikemata bepelasarka peneleba ke udah dikena ngurangka empas ba kandang ili Sungai Rejang berengkah ari tekad ai nya nyentuk ke kandang menua Sibu, pia ku notis nya.
Mensia mayuh ba kandang sepanjai sungai nyentuk ke Sibu mega dilalau semampai bejaga – jaga beratika tikas enggau peneras ai sekumbang pengawa nya dipejalaika.
Mensia mayuh tau betanya ngagai palan servis 24 jam SHSB ba lumur 1300 88 3111 bekaul pekara nya.
Tikas ai ba tekad nya niki ketegal musim tengkujuh diatu. — DayakDaily
