SARIKE, April 15I: Perintah bebendar deka ngemansangka Saratok, Pakan, Betong enggau ngelingi nyadi kandang menua agropolitan.
Nengah nya, tetiap asil agropolitan ulih dikeluar dalam kuantiti ke besai sereta bekualiti dikena napi peminta penguna.
Nya dirichahka agi nengah pengawa ngaga Sarikei enggau Tanjong Manis nyasi palan strategik endur ngumpul asil betanam betupi ke kandang tengah Sarawak.
Sarikei enggau Tanjong Manis kaya enggau pengeraja asal sereta ngembuan penyangkai kapal tasik dalam ke strategik kelimpah tebilang nyadi palan ngeluarka asil utai tanam enggau asil tasik.
Bejaku ba Pengerami Bejadi Fiesta Strategi Lautan Biru Kebangsaan (NBOS) di Dewan Suarah Sarikei, Kepala Menteri Datuk Patinggi Abang Johari Tun Openg madahka atur nya betuju ngangkatka penatai pemisi orang bumai bekebun enggau betupi.
Ku Abang Johari, perintah negeri nyendiaka pelin strategik nyengkaum nempa dagang enggau Singapura ke betuju ngelakuka asil betanam betupi negeri tu.
Perintah negeri mega ngaga singkang proaktif meli bilun kargo RM10 juta ke ulih ngundan barang pemerat tiga tan ngambika Sarawak ulih mai pansut asil produk baru ke menua besemeak enggau makit luar.
Ku iya, perintah udah ngemendarka RM100 juta dikena ngaga Wisma Sarikei, kelimpah ungkup belanja RM11 juta dikena ngemansangka Genturung Pendiau Susur Jambu nyai palan ke teatur. — DayakDaily
