Sampel ukui siga ari Rabies SJK Chung Hua Sejijak B dituku bisi Rabies

Dog snout. — DayakDaily.com file pic.// Photo: Pixabay

KUCHING, Feb 18: Sampel siku ukui siga di SJK (C) Chung Hua Sejijak B dituku ngembuan virus Rabies asil sri peresa 15 sampel ke diterima Opis Servis Veterinar Sarawak ari Institut Pansik Veterinar di Ipoh kena Feb 14.

Pengari Sekretariat Mutar Penusah Ngenyit Negeri, Ismail Mahedin madah, sekula nya dalam kandang radius 10 kilometer ari kandang endur ditukuka bisi penyakit nya sebedau tu.

“Kenyau ari bulan Julai, sepenyampau 80 sampel ukui enggau tujuh sampel mayau udah dituku positif Rabies.

“Berebak enggau nya sepenyampau 44,146 iku enggau 7,990 iku mayau sereta 45 iku jelu bukai udah dituchuk nengah program meri vaksin enggau survelan jelu tupi.”

Ku Ismail, nengah operasi khas Opis Servis Veterinar Negeri, sepenyampau 4,728 iku ukui udah ditangkap dikena nagang penyampau ukui siga taja pan bisi dibantah sekeda raban.

Berebak enggau nya, Opis Pengerai Negeri ngerikod 25 kes ketup jelu ensanus, 13 di Kuching, semilan di Serian tiga di Sarikei.

“16 ari kes nya bekaul enggau ukui tupi, siku ukui siga enggau tujuh mayau tupi sereta siku mayau siga.”

Opis nya mega madahka, sechara kumulatif, bisi 6,861 kes kena ketup udah direlikod kenyau ari 1 April lalu ari penyampau nya, 2,752 kes udah dituchuk.

Naka ke diatu bisi 30 palan udah ditukuka kandang enua bisis penyakit Rabies, empat di Kuching, Samarahan (3), Serian (21), Sri Aman (1) enggau Sarikei (1). — DayakDaily