Projek PBH dua peratus jampat agi mansang ari pelin ke ditetap

Silhouettes of workers on a construction site. — DayakDaily.com file pic. // Photo: Pixabay

KUALA LUMPUR, April 6: Pengawa ngaga Projek Pan Borneo Highway (PBH) di Sarawak ba tikas urung pada dua peratus jampat agi ke ditetap, pia ku Aum Dewan Rakyat dipadah kemari.

Sapit Menteri Kerja Raya Datuk Rosnah Abdul Rashid Shirlin madah, dipeda ari semua nyentuk ke Mac tu tadi, pemansang projek nya 14.76 peratus dibanding enggau pelin asal 12.78 peratus.

Ku iya, projek infrastruktur besai di negeri nya berengkah ari Telok Melano, Sematan nyentuk ke Miri nya ngembuan 11 pakej ke digaga berenggat kenyau ari September 2016.

“Semua pakej benung dipejalaika lalu disadang tembu endar dalam bulan Jun 2021,” ku iya lebuh nyaut tanya ari Chong Chieng Jen (DAP-Bandar Kuching) ke seka nemu status pemansang projek PBH nya di negeri Sarawak.

Nampung baru, Rosnah madahka ungkus tetiap pakej nya entara RM580 juta ngagai RM2.11 bilion. — DayakDaily


Share this article!