RM8 juta dikemendar kena nyambung elekterik ngagai 142 rumah di Kpg Baru

Datuk Seri Dr Stephen Rundi Utom

KOTA SAMARAHAN, Mei 8: Agih belanja lengkas RM8 juta dikemendarka Opis Menteri Utiliti Sarawak dikena nyambung bekal elektrik ngagai 142 unit rumah peranak Kpg Baru dalam Parlimen Kota Samarahan.

Menteri Perengkaguna Utiliti Sarawak, Datuk Seri Dr Stephen Rundi Utom ke ngabas rumah peranak dia madahka ungkus nya mungkur belanja manggai RM60,000 ke pengawa nyambung ngagai sebuah rumah.

Ku Rundi, sebedau tu Opis Menteri Pemansang Menua Pesisir enggau Kandang Menua (KKLBW) udah nikika bekal elektrik ngaga rumah peranak genturug pendiau nya, tang bisi rumah ke tinggal lalu enda ampit.

Ketegal nya Kepala Menteri Datuk Patinggi Abang Johari Tun Openg minta perintah negeri nyendiaka agih belanja tambah ke tuju nya.

Madahka bantu nya ukai “bemusim maya pengawa bepilih aja”, Rundi pemgudah enggau chalun BN Parlimen Kota Samarahan Rubiah Wang ngulu Pengerami Ketuai Begulai enggau Rayat di Dewan Mayuhguna Kpg Baru madah, agih nya diberj ketegal ngamatja semaya ngagai peranak dia sebedau tu.


Rundi ngaku, Rubiah Wang sebedau tu suah betemu minta agih bekal elektrik enggau ai ungkup sitak iya nyengkaum Genturung Pendiau Baru

Rundi besemaya deka mantu rumah peranak bukai ke besemak ti empai nerima elektrik sereta minta Kaban Parlimen sitak nya minta agih belanja tambah. — DayakDaily