Risda S’wak nerima RM47.3 milion dikena ngemansang pekebun mit

Rubber trees. — DayakDaily.com file pic. // Photo: Pixabay

KUCHING, Feb 16: Opis Pemansang Pekebun Mit Industri Getah (Risda) Sarawak udah nerima agih belanja pemansang RM47.3 juta dikena bejalaika program pemansang pekebun mit di negeri tu, ungkup taun 2018.

Nengah agih belanja ke dibri nya, dikearapka RISDA negeri tu ulih nyapai juluk ngelantangka lebih 60,000 raban pekebun mit di negeri tu,” pia ku Ketuai Pengarah RISDA, Dato’ Wan Ahmad Shabri Zainuddin Wan Mohamad.

Bejaku lebuh bejadi Pengerami ‘Pengoperasian Amanat Pengurusan Risda’ Renggat Negeri Sarawak 2018 di Dewan Kompleks Nembiak Lumba enggau Main Sarawak, Wan Ahmad madahka agih belanja nya nyengkaum program nanam baru, perengkaguna, ngerembaika servis, pemansang institusi pekebun kecil sereta tuisyen desa enggau ke bukai.

Wan Ahmad madahka agih belanja nya deka meri pemaik ngagai ekonomi pekebun mit di negeri tu.

Ku iya, agih belanja ke diberi nya ulih nyaup Risda Sarawak ngemansangka palan nanam getah di semua bagi menua.

Tambah Wan Ahmad, nya mega ulih ngangkatka asil pemansut enggau penatai pemisi pekebun mit, ti mandangka perintah komited ngintu pekebun mit nengah ubah ti dipejalaika.

Wan Ahmad madah, Risda sebuah ejensi ti ngintu komuniti pekebun mit, taja pia enti deka bulih penatai pemisi ti besai, semua nya bepanggai ba pekebun mit nya empu. — DayakDaily