RELA terabai penyerakup menua

Unity. — DayakDaily.com file pic. // Photo: Pixabay

KUCHING, Jan 14: Raban Opis Sukarelawan Malaysia (RELA) dipinta terus bejalaika tanggungpengawa sida ba renggat baruh nyadi terabai penyerakup menua.

Komisioner RELA Ti Dipebasaka Dato Sri Syed Hamzah Syed Paie madah, juluk nya ulih dikemujur nengah chara malutka diri dalam program rama enggau pengelantang pendiau.

“Raban RELA patut terus bejalaika tanggungpengawa sida ba renggat ke baruh nyadi terabai penyerakup,” ku iya lebuh bejadi Pekit Badminton Tetutup Kpg Goebilt di Dewan Mensia Mayuh Kpg Goebilt lemai kemari.

Ku iya, ketuai RELA ba renggat genturung pendiau mega patut meransang bala nembiak nyereta tetia program seraya nambahka penyampau kaban.

“Nya dikena nentuka RELA semampai engkeman sereta ditampung rebak dudi belama,” ku iya ke mega Sekretari Politik Menteri Pengeraja Asal enggau Rampa Menua.

Sama bisi datai Pegawai RELA Bagi Menua Kuching Utara, Penulung Komisioner Sobri Hamdi. — DayakDaily