KUCHING, Jan 14: Rebak biak di Sarawak patut ngembuan runding distruptif, pia ku Kepala Menteri, Datuk Patinggi Abang Johari Tun Openg.
Iya mega madah, sida anang agi berunding bemalinka chara lama.
“Ekosistem udah berubah. Reti nya, teknologi ke udah bisi udah ngubah semua ekosistem ke uda bisi diatu.
“Rebak biak patut berubah sereta nguasa mayuh bengka penemu baru, ti ulih ngerembaika pengidup sida jemah ila.
Ambika banding ku iya, pemintar artifisial, automasi enggau guna sensor.
“Tu entara ntara teknologi jemah ila lalu kitai enda ulih nagang tauka ngenggaika nya.
“Tu meh nempa isu Uber enggau Grab. Kitai enda ulih nagang laban nya meh gaya makit kemaya hari tu,” ku iya.
Iya mega madah, bisi mayuh peluang ungkup rebak biak ketegal kitai bisi jalai pemansut.
“Ambika chunto, enti ai enda diproses ngena teknologi, nya enda ngemansutka hidrogen.
“Diatu ai kitai udah nyadi komoditi ke berega baka minyak sereta mega tau dikena nyilih nuklear,” ku iya. — DayakDaily
