BARAM, Mei 5: Rayat di Tinjar Baram ditu deka tinggal pemansang lima taun nyema sida nyukung penyakal ba Pengawa Bepilih Besai Ke14 (PRU14).
Ba pekara tu, ADUN Marudi Datu Dr Penguang Manggil madahka pengundi patut nemu diatu, sekeda kandang endur lubah nerima pemansang ketegal ti enda nyukung gempung Barisan Nasional (BN).
Nya alai, anang nandu penyilap ke sebaka lalu ngasuh menua kita betapi enggaj pemar ketegal nyukung penyakal, ku bejaku ba program begulai enggau rayat sehari tu.
Penherami nya diatur Parti Progresif Demokratik (PDP) Marudi ke ngembuan juluk deka nemuai ngagai rumah panjai ke nadai kala ditiki sida sebedau tu.
Penguang udah ngelawa 4 buah rumah panjai komuniti Kayan enggau Iban baka Long Spilling, Rh Hillary Jungang Long Ajai, Rh Ricky Marai Ng Nait enggau Rh Labang Ng Seridan.
Penguang ke nyadi Menteri Muda Opis Kunsil Kandang Menua madahak pengundi patut berunding panjai ba undi ke dichunting sida.
“Kami ngarapka pengundi di Marudi ulih merj pemujur ngagai BN,” ku iya. — DayakDaily
