Randau pasal PRU14 deka diatur Hari Empat tu

Dialogue and debate. — DayakDaily.com file pic. // Photo: Pixabay

KUALA LUMPUR, Feb 21: Randau betunga mua bekaul Pengawa Bepilih Besai (PRU) ke-14 deka diatur Hari Empat tu mantaika pemansik enggau penganalisis tebilang menua.

Ku pengari ari Majlis Profesor Negara (MPN) randau nya deka ngupas batang randau ‘PRU-14: Agi enda Barisan Nasional?’

Ku iya, tiga sesi deka diatur. Sesi keterubah ngupas batang randah ‘BN, Pakatan Harapan enggau PAS: Sapa atas sapa?’ yang menampilkan Profesor Datuk Sri Syed Arabi Idid (UIAM), Prof Dr Mohd Fuad Jali (UKM) dan Prof Rohana Yusof.

Sesi kedua ngupas batang randau ‘Sabah enggau Sarawak dalam PRU-14: ‘Entara Politik Pemansang enggau Ubah Politik’ seka mantaika Prof Jayum Jawan (UPM), Prof Madya Dr Jeniri Amir (UNIMAS), Dr Arnold Puyok (UNIMAS) enggau Dr Zaini Othman (UMS).

Sesi ketiga iya nya ‘BN vs PH vs PAS: Sapa untung, sapa penentu’ ti mantaika Ketuai Pemadah UMNO, Tan Sri Annuar Musa, Datuk Kamarudin Mohd Nor (PH) dan Dr Mohd Zuhdi Marzuki (PAS).

Sesi nya deka dipejalaika moderator ari AstroAwani, Ashwad Ismail enggau Hans Yusof sereta Datuk Zaini Hassan ari Utusan Malaysia.

Mandal Canselor Universiti Utara Malaysia Prof Datuk Seri Dr Mohamed Mustafa ishak enggau Prof Ulung Datuk Dr Shamsul Amri Baharudin ari Universiti Kebangsaan Malaysia (UKM) deka nyimpul jurai nya. — DayakDaily