Raban UPP besemaya meri sukung penuh ngagai semua chalun BN

​Yap Min Su

KUCHING, Mac 19: Komiti Besai Raban Nembiak United People’s Party (UPP) deka meri sukung ngagai semua chalun Barisan Nasional (BN) maya pengawa bepilih besai tu ila.

Sekretari, Yap Min Su madah sida pechayaka prinsip penyerakup ke pengelebih negeri enggau menua tu.

“Kami deka nentuka tetiap iku chalun BN nerima sukung penuh ari kami dikena nentuka BN negeri menang besai,” ku Yap madah maya aum media ke diatur ba indu opis parti nya di Jalai Pending ditu kena Hari Enam tu tadi.

Ketuai Nembiak parti Dr Johnical Rayong ke mega Kabwn Kunsil Negeri Engkilili, madahka pampang nya bisi urung 30,000 iku kaban di serata negeri enda nyengkaum urung 7,000 iku di Engkilili enggau 1,400 di Batang Ai.

Yap mega madahka komiti nya beserakup nyukung presiden parti Dato Sri Wong Soon Koh ngiring parti nya enggau Menteri Besai Datuk Seri Najib Razak nyengkaum Sapit iya Datuk Seri Ahmad Zahid Hamidi nyatup penyakal ba pengawa bepilih ke deka datai.


Sida mega meri sukung ngagai Kepala Menteri Datuk Patinggi Abang Johari Tun Openg ngiring negeri nyapai pemansag ke besai agi, nengah komitmen iya ngemansangka negeri sereta inisiatif baka muka Bank Pemansang Sarawak (DBOS), Petroleum Sarawak Bhd (Petros), digital ekonomi enggau LRT serwta ke bukai.

Yap mega madahka pampang nembiak UPP mega ngenatika pengaga ati ngagai menteri besai laban nentuka meri pulai hak Sarawak ke majak lenyau ngelama tu. — DayakDaily