KUCHING, Mei 16: Universiti Pendidikan Sultan Idris (UPSI) beserimbai enggau Gawai Dayak ke diintu di Sarawak enggah Pesta Kaamatan ti diintu di Sabah.
Festival nya diintu ninting taun ba UPSI Malim, Perak.
Festival nya diatur ba Dewan SITC, Kampus Sultan Abdul Jalil Shah deka berengkah kena 25 lalu tembu 27 Mei.
Entara program ke diatur baka mandangka main asal ari Sabah enggau Sarawak, Pekit Belagu enggau pekit pemajik.
Nitihka penerang ari komiti pengatur, Universiti Pendidikan Sultan Idris temegah ati ngatur Festival Gawai Kaamatan UPSI 2018 di Dewan SITC, Kampus Sultan Idris ke diatur ninting taun.
Nengah festival nya mega, bemacham bansa pemakai ari Borneo sereta mega bemacham main dibantaika enggau tuju mantaika bemacham main asal ari Borneo.
Penerang silik bekaul festival tau ditanya ngagai kooedinator nengah lumur 016-8825095. — DayakDaily
