BINTULU, Nov 23: Semua pemesai enggau raban opis BDA udah nyain Ikrar Integriti Korperat Opis Penagang Makai Suap (SPRM), kelalu nyadi kelai nyukung SPRM ngemunaska ulah makai suap.
Pengawa dipunka enggau licha integriti ari Sapit Pengarah SPRM Pampang Bintulu.
Nangkanka nya engawa macha ikrar integriti udah diuluka Menijar Besai BDA, Rodziah Morshidi ti lalu nuain ikrara integriti besaksika Ketuai SPRM Bintulu, Marcel Bulan Ngabong.
BDA lebuh ke mansut penerang madahka komitmen sida beguna amat dikena ngenegapka chara bejalai pengawa ke bekualiti kelimpah ngelalau bala staf opis nya sentang tanggungpengawa gawa ba opis perintah.
Kelimpah ari nya mega bisi mantaika chara gawa bekualiti (5S), tayang video Minggu Inovasi enggau Integriti 2017, mantaika pengelandik bejaku,nyuaka gelar enggau perais ngagai staf ti nadai sekali pan kemisi sakit 2017 enggau pekereja chunto Raban C enggau D.
Sama bisi datai Sapit menijar Besai BDA Abdullah Mohd Sheriff, Penulung Menijar Besai (Servis Korperat) Sheikh Anuar Aminullah, Penulung Menijar Besai (Servis Teknikal) Abdul Rahim Abdullah, Penulung Menijar Besai (Servis Rampa Menua) Wan Ali Wan Ibrahim, Menijar Kanan, bala menijar enggau staf BDA. — DayakDaily
