KAPIT, Nov 23: Bisi 36 iku ba empat buah rumah di Rumah Gawan, Lepong Balleh ditu selamat lebuh tanah tusuh ngerubuhka sebagi ari rumah sida, dinihari pagi kemari.
Sapit Pengarah Operasi Bomba enggau Penyelamat Negeri, Tiong Ling Hii madah, sida nerima berita pasal urung jam 2.17 pagi ke alai sida lalu berumban ngesah penusah nya.
Ku Ling Hi, tanah tusur nya nyadi di belakang rumah panjai nya ti ngujungka tiga buah rumah rusak ba dapur, lalu sebuah agi rumah apus dibungkur tanah.
“Lebuh datai dia kami lalu ngaga ‘size-up’ sereta meresa kandang ngelingi.
“Entara pengawa digaga kami nyengkaum nyabut indu fius rumah nya enggaika nyadi penusah bukai.
Ku Ling Hii, suda mega ngelekatka tanda sereta ngelalau sida ngempu rumah enda tama ke rumah sida atas faktor pengelikun.
“Naka pagi tu, nadai kes bebadi bisi diripot,” ku iya. — DayakDaily
