Putera Charles nginsil penemuai ke Myanmar tang milih nemuai ke Sarawak

Prince Charles. — DayakDaily.com file pic. // Photo: Pixabay

JAKARTA: Putera Charles enggau bini iya, Duchess of Cornwall, nginsil penemuai ke berindik ari penyarut ke benung nyadi di menua nya.

Peturun Raja Britain ba perambu nemuai 11 hari ke Asia berengkah ari ujung bulan Oktober nengah pemadah rasmi ti dikeluar, madahka iya enggau bini deka nemuai ke Singapura, Malaysia, enggau India.

Lebuh di Malaysia, seduai deka nemuai ke Sarawak.

Maya di Sarawak, seduai deka meda pengawa ti dipejalai dikena ngintu jelu siga sereta nyaga mayuh bengkah biologi.

“Seduai mega deka betemu enggau komuniti asal ke bebida di Sarawak. Duchess of Cornwall deka betemu enggau pengari Purple Lily, sebuah NGO ti komited meri inspirasi sereta ngenegap orang indu enggau nembiak indu nengah pengawa nyendiaka latih pengelandik idup enggau pelajar ba pekara belanja,” ku sebengkah pemadah ari Perintah Menua Britain.


“Lebuh bejuraika sentang penyendia penemuai nya, kami beratika sekeda pilih ti ngujungka kami ngaga pemutus milih nemuai ngagai Singapura enggau Malaysia,” ku Philip Malone, Pengarah Bagi Asia Tenggara ba Opis Menteri Luar Nengeri Britian, pia ku baka ke diripot BBC Indonesia.

Tambah Malone, penyendia nemuai ke Asia digaga pengelama beberapa bulan.

“Kami ngaduka tu begulai enggau sekretari peribit Putera Charles nentuka menua ke deka endur nemuai,” ku iya.