KUCHING, Nov 6: Sarawak deka nerima penemuai Putera Charles ari Britain sereta bini iya Camilla sehari tu.
Sangkai di Kuching, Putera Wales enggau Duchess Cornwall nya deka terus ngagai Kampung Budaya Sarawak di Santubong.
Charles mega disadang nemuai ngagai Palan Pengintu Jelu Siga Semenggoh enggau Palan Biodiversity Sarawak(SBC).
Di Semenggoh, Charles deka ngemata tusun pengawa ngintu jelu mayas tauka orang utan.
Ba maya ke sama bini iya Camilla deka betemu enggau raban ari sebengkah gerempung ke ukai dikuasa perintah, Purple Lily di Old Court House ditu.
Penemuai ke Sarawak nyadi seiti ari program penemuai rasmi 7 hari seduai melaki bini ke Malaysia. — DayakDaily
