Pulai meh ngagai SUPP — Dr Sim

Dr Sim (duduk tengah) ketika mengadakan sidang media selepas melancarkan tempat mengambil dan menurunkan penumpang GRAB di ICOM Square.

KUCHING, Mac 7: Presiden Parti Sa’ati Rakyat Sarawak (SUPP) Datuk Dr Sim Kui Hian majak ngansak ex-kaban parti ke enggau United People’s Party (UPP) mulaika diri ngagai SUPP.

“Udah suah minta sida mulaika diri lalu aku mega udah suah nandu kami ba SUPP nerjma sida enggau ati ke tebuka ke pemaik penyerakup di Sarawak,” ku iya.

Ku iya, ketuai tetinggi BN, sekalika ba renggat negerj enggau perintah besai udah minta kededua parti bebaik tang kaban UPP ti patut mulaika diri ngagai SUPP.

“Aku ukai semina mai sida aja tang mega ex-kaban SUPP ti udah nyadi kaban Democratic Action Party (DAP). Pulai mih nyadi sebuah ruang bilik besai ngambika Sarawak kering.

“Kami semampai tebuka. Sesapa ke deka mantu kami ba SUPP, kami semampai gaga ati,” ku iya madah ngagai pemberita lebuh bejadi app ride-hailing app GrabCar ba Icom Square ditu kemari.

Sentang sekalika chalun UPP tau bediri minta pilih ba kerusi SUPP , Dr Sim enggau nyata madahka ‘pulai meh’.

“Nya nya amat, pulai meh. Aku enda ulih nulung kita enti kita enda meretika ayat nya,” ku iya. — DayakDaily