Projek ngemanah Pasar Malam Saberkas tembu ujung bulan Mac

A night market scene. — DayakDaily.com file pic. // Photo: Pixabay

MIRI, Mac 7: Projek ngemanah Pasar Malam Saberkas ti nguna ungkus RM900,000 dipelaba tembu ujung bulan tu.

Datuk Bandar Miri, Adam Yii Siew Sang madahka berita selebubu ti madahka sentang pengelaun projek nya berengkah ba bulan Januari tu tadi lalu dipelaba tembu dalam bulan Mac nya enda amat.

“Nadai pengelubah ba pengawa ngemanah, haribulan tembu agi dalam pelin kena Mac 23, semua projek nya udah manggai 55 peratus lalu pengawa ngelekat perengka atas perabung nyauka manggai 75 peragus.

“Pengawa masang struktur besi deka berengkah minggu baru,” ku iya kemari seraya madahka MBM majak beratika gaya projek nya.

Sebedau tu, Yii madah enti pasar malam nya tembu, ulih nyendiaka 216 palan bejual ngagai orang dagang lalu ngembuan sistem nimbun ai ujan, bisi endur bebasu, sistem muai ai ke manah dikena nentuka pemeresi.

Chairman Gerempung Pedaja Pasar Malam Seberkas Miri, Abdul Rahman Jawawi ngarapka pedaja ulih pindah ngagai endur mendam nya nya bulan baru laban dagang sida bisi tekachau mimit sekumbang pengawa ngemanah nya dipejalaika.

“Mayuh pedaja madahka penguntung sida kurang 70 peratus laban mayuh orang enda nemu endur sida bejual sementara tj enda muat endur 216 pedaja nya,” ku iya seraya madahka semina 116 pedaja aja ke ulih bejual ba endur sementara nya.

Pasar malam nya dibuka ari pukul 2 ngalih hari nyentuk pukul 11 malam ari Hari Tiga nyentuk Hari Enam lalu mayuh yemuai arj menua tu emph enggau Brunei datai ngagai endur nya maua ujung minggu.

Pasar Malam Seberkas entara palan ke tebilang ditu lalu bisi diengkah ba website Kaunsil Dagang Temuai Sarawak (STB) nyadi sitk ari palan dilawa di mengeri Miri. — DayakDaily

Share this article!