PRU14: Opis S’wak nerima ungkup belanja pemadu mayuh

Deputy Prime Minister Datuk Seri Dr Ahmad Zahid Hamidi

KUCHING, Mac 5: Opis Polis Sarawak nerima agih belanja ungkup Pengawa Bepilih Besai Ke-14 (PRU14) ke pemadu besai enti dibandingka enggau nengeri bukai.

Sapit Menteri Besai Dato Seri Ahmad Zahid Hamidi madah belanja nya jauh besai laban ungkus pengangkut kelebih agi di menua pesisir ke tinggi.

“Pemindah nengah jalai ai enggau ari atas (bilun engkabang) begunaka ungkus ke besai.

“Lalu pia mega enti nengah jalai darat, kelebih agi di menua pesisir ke mengkang nguna jalai batang,” ku iya ba aum pengarang berita di IPK Sarawak di Kuching.

Berindik enggau nya Ahmad Zahid ke mega Menteri Dalam Menua deka merintah Opis Polis Bukit Aman nyendia agih belanja ke chukup ngagai Polis Sarawak.

“Aku meri jamin, kepala polis Sarawak deka nerima belanja ke chukup ungkup nentuka pengelanchar pejalai PRU14.

“Nyendia agih belanja ungkup pengawa bepilih sigi tanggungpengawa Opis Polis Bukit Aman,” ku iya.

Pengudah mendingka licha sentang atur ke udah disedia polis Sarawak, Zahid madah diri tepantup ati lalu pechaya Sarawak udah sedia napi GE14. — DayakDaily