KUCHING: Parti Rakyat Sarawak (PRS) deka nentuka nadai orang ngachau ti ngujungka parti nya pambar.
Presiden PRS Tan Sri James Masing madahka pemutus iya ningkilka sapit enggau mandal presiden Hari Minggu nyin tadi sigi patut.
“Sida tau peneka ati ngaga pengawa tang aku enda ulih nerima orang ke ulih mambar ba kaban kaunsil enggah Barisan Nasional (BN) dalam parti aku,” ku iya.
Iya madah munyi lebuh dikerandau ba laman Indu Opis Parti Pesaka Bumiputera Bersatu Sarawak (PBB) pengudah Kepala Menteri Datuk Patinggi Abang Johari Tun Openg mantaika nama chalun BN Sarawak ungkup PRU Ke-14.
Hari Minggu nyin tadi, iya ningkilka Sapit Presiden PRS Datuk Joseph Entulu Belaun enggau Mandal Presiden Datuk William Nyallau sereta tiga iku agi Kaban Kunsil Besai ketegal ngachau penyerakup parti.
Entulu, ke mega Menteri ba Opis Menteri Besai sereta penyandang sitak Selangau lalu Nyalau penyandang sitak Lubok Antu. — DayakDaily
