Produk sardin chap King Cup agi tau dijual ba pasar

Grocery store aisle and shelves. — DayakDaily.com file pic. // Photo: Pixabay

KUALA LUMPUR, Jun 30: Kompeni Marushin Canneries (M) Sdn Bhd madaka produk sardin dalam tin chap King Cup ti dikeluarkan kompeni nya nadai kaul enggau produk sardin ke dibatak pulai ari pasar baka ke diasuh Opis Menteri Pengerai Malaysia (KKM).

Managing Direktor ke mega Pengatur Pengereja Pengawa Josephine Loo dalam penerang kemari madahka produk ‘King Cup-Sardines in Tomato Sauce’ nadai dalam rintai produk ke dibatak pulai baka ke diripot.

“Penerang KKM nyata madahka (kompeni nya) Mackerel in Tomato Sauce (antara produk ke dibatak pulai), ukai Sardines in Tomato Sauce,” ku iya.

Ku penerang KKM kemari, tiga produk sardin dalam tin enggau tiga produk mackerel dalam tin ditemu bisi ngundan ulat.

Berebak enggau nya, KKM udah ngasuh produk nya dibatak pulai ari pasar. — DayakDaily