TAMBAK, Dis 26: Produk bepelasarka apong ari Kampung Tambak nyadi produk apong ke pemadu manah di Negeri Sarawak, pia ku Kaban Kunsil Negeri N24 Beting Maro, Razaili Gapor.
Ku iya, produk bepelasarka apong bisi potensi dikemansang lalu diatu bisi mayuh pinta ba makit sereta ulih ngangkatka penatai pemisi peranak Kpg Tambak.
“Koperasi udah ditumbuhka ungkup peranak Kampung Tambak lalu asil produk patut dijual ngagai koperasi,” ku iya lebuh bejadi ‘Pesta Gulo Apong’ ti keterubah diatur ditu, bedau lama udah.
Ku iya baru, perintah sedia mantu peranak menua nya nambahka penatai pemisi lalu orang dagang meseti nambahka penemu ba pengawa dagang.
Ba pengerami nya, iya mega bisi meri belanja RM 20 ribu ungkup wang turu koperasi Kampung Tambak
“Pesta Gulo Apong deka nyadi program ninting taun di DUN Beting Maro,” ku iya.
Iya mega madah, sebuah kilang endang ungkup memproses produk bepelasarka apong deka digaga ba Kampung Tambak lalu disadang tembu dalam bulan Februari 2018. — DayakDaily
