Gerija Kristian nadai ngarika sebarang bagi parti politik

Ornate church interior. — DayakDaily.com file pic. // Photo: Pixabay

KUALA LUMPUR, Dis 26: Gerempung jalai pengarap Kristian madahka gerija enda ngarika sebarang bagi parti politik taja pan bisi raban Kristian nya ngaul diri ba politik.

Chairman National Evangelical Christian Fellowship, Rev Dr Eu Hong Seng, madah kebuah pia, laban Jesus siku ketuai jalai pengarap ke ngembuan ulah nya.

“Taja pia ukai reti sesiku individu Kristian nya enda tau ngaul diri ba politik enggau aktiviti sosial kemaya hari tu.

“Ba Hari Krismas tu, aram meh kitai sama ngingatka Jesus endang semampai siruka seranta, begunaka bantu, sakit, balu, indu sundal, bala nembiak enggau pengumpul chukai,” ku iya lebuh ke bejaku.

Iya bejaku munyi nya ba pengerami ngirup lemai ke diatur Gerija Metro Tabernacle Church ditu, kemari.


Ku Eu, reti nya di Malaysia, gerija temegah nyadi pemantu ke positif ba pengawa rama kenyau sebedau ditumbuh, tang nyata negika pengamat kelebih agi ungkup orang seranta enggau tusah.

“Nya mandangka gerija ke diatu talukka mensia lalu ba sekeda pengerami, semampai enda negika pekara politik.

“Kemendarka aku nerangka reti hak gerija ti enda ngarika sebarang bagi parti politik.

“Sekalika sesiku nya ngelaban perintah tauka barang bagi parti politik ke bukai,” ku iya.

Ku iya, gerija endang seruran negika pengamat enggau utai ke manah.

“Kitai bisi raban Kristian ba kededua piak bagi politik nya.

“Nya alai kitai meseti ngundi lalu pengudah kitai ngundi, kitai meseti pechayaka Tuhan.”

Iya udah nya lalu sembiangka pengelikun, pengelantang ngambika semampai diasai di menua tu.

Sama bisi ngulu pengerami nya Menteri ba Opis Menteri Besai Joseph Kurup, ketuai penyakal Wan Azizah Wan Ismail, Kepala Menteri Pulau Pinang, Lim Guan Eng enggau ke bukai.

Kurup, ti ngarika Menteri Besai Najib Razak, madahka rayat Malaysia meseti bebasaka oangan diri, adat enggau jalai pengarap.

Ku iya, penyerakup enggau ulih bebatak asur nyadika kunchi pemansang ngagai rayat Malaysia.

“Kitai meseti bebasaka raban bukai ti ngembuan ‘rega’ ke bebida.

“Kitai deka nyadi kering enti kitai begempung nyadi siti,” ku iya. — DayakDaily