MIRI, Mac 17: Polis Miri diatu ngiga 65,000 iku orang ke ngaga penyalah trafik ke lalu bedau mayar sama sida nengah ‘Operasi Saman Tertunggak Warga Asing’ (OSTWA) ba begunan tol Sungai Tujoh semak garis entara menua ditu.
Kepala Polis Miri(ACP) Lim Meng Seah madah, operasi nya dipejalaika semak garis entara menua entara Sarawak enggau Brunei betuju ngulihka saman ti enda dibayar orang ke ngereja penyalah trafik ngambika ulih mayar nya enggau lengkas.
“Semua saman ke udah dibayar meseti disempulang enggau resit rasmi ari kaunter polis trafik sebedau ninggaka kaunter nya,” ku iya ba sebengkah oenerang kemari.
Lim mega nyangkal jaku tuduh ti dikerembai ba media sosial tj madahka polis ditu udah salah nguna kuasa bekaul isu ngeluar enggau ngumpul saman nya.
“Operasi nya betuju meri penyedar ngagai pesalah trafik ngambika mayar saman trafik sida,” ku iya. — DayakDaily
