Program STUD ti diatur KKLW nerima sambut ke manah

Deputy Minister of Rural and Regional Development Datuk Alexander Nanta Linggi. Photo sourced from http://www.rurallink.gov.my/en/corporate-info/profile/deputy-minister-profile/

MUKAH, Mac 17: Program Latihan Tadbir Urus Desa (STUD) ti diatur Opis Menteri Pemansang Menua Pesisir enggau Kandang Menua (KKLW) udah majak mandangka pemujur ba raban ketuai renggat baruh.

Timbal ari pesereta kus baka Ketuai Komiti Penhelikun enggau Pengelantang Genturung Pendiau (JKKK) baka bala keruai genturung pendiau dekaka kus nya dikerembai sereta ditegapka agi.

“Timbal ke diterima kami nya mandangkakus nya nerima sambut ke manah. Enti bisi timbal ke manah reti nya sida udah ngasaika pemaik,” ku Sapit Menteri Pemansang Menua pesisir enggau Kandang Menua, Datuk Alexander Nanta Linggi.

Iya dikerandau pemberita pengudah pengerami Nutup Program Sijil Tadbir Urus Desa INFRA-UniKL Zon Sarawak ke ditutp Memteri Pengelantang Pendiau Komuniti, Orang Indu, Ruang Bilik enggau Pemansang Anak Mit Sarawak, Datuk Seri Fatimah Abdullah ditu kemari.

Nanta dipinta meri penemu pasal kus tiga hari nya ke digulu 350 iku ketuai JKKK enggau ketuai genturung pendiau ari sitak Parlimen Tanjung Manis, Parlimen Igan enggau Parlimen Mukah.

Ku iya, kus nya sebengkah ari agenda nasional KKLW ke setipak enggau agenda transformasi Menua Pesisir opis menyerk nya dikena ngangkatka pengelandik bala ketuai JKKK ngintu sereta ngatur menua sida.

Bisi 4,127 iku bala ketuai ari serata menua Malaysia udah ngulu kus nya taun siti nyin tadi sereta deka dipajakka taun tu enggau tagit mungkur 5,000 iku ketuai genturung pendiau enggau tuai rumah ari Semenanjung Malaysia, Sarawak enggau Sabah.

Latih nya ku iya siti ari chara perintah mantu rayat di menua tu kelebih agi di menua pesisir kelimpah ngemujurka pemansang perengkaguna.

Bala ketuai JKKK ku iya, nyadi ejen perintah lalu sida meseti bejalaika pengawa enggau ngasi ngagai rayat kelebih agi ngiri penemu sentang pengawa perintah ti deka meri pengelantang ngagai rayat. — DayakDaily