Wings Air diatu terebai ari Pontianak ke Miri

Datuk Lee Kim Shin (http://www.dun.sarawak.gov.my)

MIRI, Mac 17: Bilun Wings Air diatu terebai sekali sehari ke Pontianak-Miri ti begunaka pengelama timpuh penerebai 1 jam 50 minit nguna bilun ATR ke muat endur 72 iku penumpang.

Tusun penerebai ari Pontianak-Miri iya nya bekejang pukul 3.30 lemai lalu sangkai pukul 6.30 lemai.

Lalu penerebai Miri-Pontianak, bekejang 3.30 lemai sereta sangkai 6.20 lemai.

Jalai penerebai Pontianak-Miri nya jalai antarabansa kedua Wings Air pengudah jalai penerebai Pontianak Kuching ke berengkah bulan Januari tu tadi.

Kena pukul 6.20 lemai Hari Empat tu tadi, nyadi penerebai keterubah Wings Air Pontianak-Miri udah selamat sangkai ba padang bilun Miri.

Menteri Muda Dagang Temuai, Art enggau Main Asal, Datuk Lee Kim Shin nyambut penyangkai 51 iku penumpang ba penerebai keterubah nya.

Lee disempulang Duta Besai Republik Indonesia Rusdi Kirana, ejen malin temuai enggau media.

Lee ba penerang iya madahka, servis penerebai nya beguna amt ngagai industri dagang temuai Miri sereta mantu ngemansangka dagang enggau puku, kelimpah negapka kaul Sarawak-Kalimantan.

Palan bukai endur Wings Air terebai di Malaysia kelimpah Kuching enggau Miri iya nya Medan-Pulau Pinang enggau Pekanbaru-Melaka. — DayakDaily