Polis benung ngiga netizen ti bejai siku menteri indu

Keyboard. — Dayakdaily.com file pic. // Photo: Pixabay

KUCHING, Feb 19: Polis benung nasat siti kes bekaul enggau siku lelaki ke bejai Menteri ba Opis Pejabat Menteri Dato Sri Hajah Nancy Syukri nyadi siku indu sundal dalam media sosial kemari.

Ripot polis digaga siku lelaki, pengemeran media beumur 47-taun ari Kuching di One-Stop Centre, Simpang Tiga pagi kemari.

Iya madahka siku penguna media sosial ke nguna nama FB Lie Willies kena Feb 17 udah mantaika poster Dato Sri Hajah Nancy Syukri enggau leka jaku, “Bumiputera akan mencuri kalau tidak dibantu kerajaan” enggau status ba timeline iya – “Dia ni kalau tak jadi Menteri memang jadi pelacur”.

Kepala Opis Nasat Pengawa Jai Sarawak SAC Dato Dev Kumar lebuh ke ditanya ngenukuka sida bisi nerima ripot nya.

“Kami benung nasat kes tu nyadi kes bejai ari baruh seksyen 500 Kanun Kesiksaan enggau Seksyen 223 Akta Komunikasi enggau Multimedia 1998.”


“Kami mega udah ngelala identiti pengempu akaun Facebook nya dipadah mantaika status bejai nya sereta deka ngetanka iya ngambika ditanya pansik,” ku iya. — DayakDaily