PM deka nemu penyampau reta raban pengereja perintah, menteri

Tun Dr Mahathir Mohamad

PUTRAJAYA, Jun 8: Semua raban pengereja pengawa nyengkaum menteri, sapit menteri enggau sekretari politik dipinta madahka penyampau reta sida ngagai Menteri Besai.

Tun Dr Mahathir Mohamad lebuh ti mantaika pekara nya, madahka penerang ke diterima iya nyadeka dilalai, tang deka dikenatai ngagai ejensi-ejensi ke bekaul enggau pengawa nagang makai suap.

“Menteri Besai enda ulih ngelalaika pengawa makai suap ke dikereja bala pemesai enggau pengereja pengawa ke bukai,” ku iya ba aum media pengudah nyadi chairman Aum Kabinet Sentang Penegap Ngatur Pengawa Perintah di Perdana Putra, sehari tu tadi.

Sama bisi ngulu aum nya Sapit hadir Menteri Besai Datuk Seri Dr Wan Azizah Wan Ismail, Menteri Dalam Negeri Tan Sri Muhyiddin Yassin, Menteri Wang Lim Guan Eng enggau Ketuai Direktor Pusat Governans, Integriti enggau Nagang Makai Suap Menua (GIACC) Tan Sri Abu Kassim Mohamed.

Kelimpah ari nya, Dr Mahathir ba aum nya mega udah ngaga pemutus ke alai pengereja pengawa perintah enda dikemendar mangku lebih ari lima pangku pengawa dikena nyeliahka penanggul ngelimpang ba pekara meri kontrak. — DayakDaily