KUALA LUMPUR, Ogos 22: Penanggul belanja, penemu, kurang pengereja pengawa enggau varieti produk ke enda chukup nyadi pemar ke ditapi industri mit enggau jelan pemesai (PKS) Malaysia nyapai digitalisasi, ku Gerempung PKS Malaysia.
Presiden Datuk Michael Kang Hua Keong madah, dikena mutarka penanggul nya, perintah patut berandau enggau e-dagang, nyendiaka infrastruktur ke manah sereta ulih diempu, nyengkaum kompeni di menua pesisir sereta ngatur seminar sentang chara nguna media baru dikena nyual nengah chara digital, ti ngena ungkus ke mit agi.
“Perintah mega tau mantu PKS nyendiaka ungkus ke mit agi ba iklan sereta promosi digital dalam e-dagang dikena ngelakuka chap PKS kelebih agi ungkup produk Malaysia,” ku iya.
Ari sukut infrastruktur ke diguna nyukung digitalisasi baka sambung Internet, Tan madah, taja infrastruktur ke bisi diati chukup ba mengeri besai tauka kandang pasar tang agi kurang ba kandang menua pesisir.
“Pemisi sambung Internet ke deras enggau nguna e-dagang nengah makit digital media sosial ulih mantu PKS di menua pesisir nerima sereta ngenae-dagang, media sosial enggau nyual nengah makit digital,” ku iya. — DayakDaily
