KUCHING, Ogos 22: Siku lelaki ke beumur 44 taun ari Jalai Matang ke positif rabies encephalitis di Sepital Besai Sarawak (HUS) udah parai uring pukul 10 pagi kemari.
Ba sebengkah penerang ditu, Opis Menteri Pengerai Malaysia (KKM) madahka lelaki nya dipasuk ngagai HUS kena 16 Ogos tu tadi pengudah ngembuan kelai rabies lebuh ti berubat ba pesakit luar kena 6 Ogos.
“Nitih pemadah ke diterima, pesakit nya nadai sejarah diketup ukui tauka jelu bukai tang kala malu siku ukui lepas ke udah ngetup bini iya kena 13 Januari taun tu tadi.
“Maya nya pesakit nya bisi telih ke tebuka ba jari kanan. Diriputka ukui nya udah parai tang pesakit enda berubat lalu iya udah mai bini iya berubat ke sepital sereta ngulihka vaksinasi,” pia ku penerang nya.
Nitihka padah KKM, bini iya nya diatu gerai sereta udah nitihka atur vaksinasi antirabies sepemayuh empat dos. — DayakDaily
