KUCHING, Mei 24: DAP Sarawak ngenukuka sida nadai ngansak numbuhka pangku pengawa sapit menteri besai ungkup Malaysia Timur.
Mandal chairman Leon Jimat Donald madah, pinta nya dikenataika ketuai DAP Batu Kitang, Abdul Aziz Isa ti dekaka pangku pengawa nya diada, lalu nya asil penemu iya kediri empu lalu ukai ngarika DAP Sarawak.
Aziz ke mega Ketuai Publisiti Sosialis Nembiak DAP Sarawak, madahka penerang berita chairman Pakatan Harapan Sarawak, Chong Chieng Jen ti dipansut Hari Dua madahka iya deka dipadah nyadi sapit menteri besai kedua ti deka mantaika rintai kabinet renggat kedua udah tu ila.
“Aku deka madah DAP Sarawak deka nitihka will konsensus ti disetuju dalam manifesto pengawa bepilih Pakatan Harapan election.
“Ba penemu aku, pinta Aziz ti dekaka bisi pangku pengawa sapit menteri besai semina ngurangka kuasa enggau prestij pangku pengawa nya, ti ngujungka pangku oengawa nya nadai reti agi.
“Ke beguna amat diatu ngepun sereta bejalaika formula ti manah sereta polisi ke enda bechiping ngagai rayat Sarawak,” ku Leon kemari.
Ku iya, DAP Sarawak deka fokus ngansak polisi ti meri pemaik ngagai rayat Sarawak ari ti minta pangku pengawa nya. — DayakDaily
