Gaji bala menteri dikurang 10 peratus — PM

Tun Dr Mahathir Mohamad

PUTRAJAYA, Mei 24: Menteri Besai Tun Dr Mahathir Mohamad kemari madahka gaji bala menteri deka dikurang 10 peratus ke lalu diterit maya nya.

Nya pemutus asil aum keterubah Kabinet ti diatur di Perdana Putra ditu kemari, ke alai bala menteri setuju gaji dikurangka 10 peratus, ku iya.

“Tu mandangka penyiru kami ngagsi penanggul belanja menua,” ku iya ba aum media pengudah nyadi chairman aum nya. Dr Mahathir madah gaji 10 peratus ke diputung nya bepelasarka batang gaji gaji menteri.

Ditanya sekalika pegawai kanan perintah bela deka diputung gaji, ku iya nya tepulai ngagai sida empu.

“Baka selama maya aku nyadi Menteri ba taun 1981, pekara keterubah digaga aku iya nya ngurangka gaji menteri enggau pegawai kanan perintah ke nerima bayar tinggi agi ari bala menteri,” ku iya. — DayakDaily


Share this article!