Petros ngepunka operasi ngiga minyak, gis di Miri Julai tu

Oil platform. — DayakDaily.com file pic. // Photo: Pixabay

MIRI, Mac 21: Petroleum Sarawak Berhad (Petros) ngepunka operasi ngiga minyak enggau gis di Miri berengkah bulan Julai tu, pia ku Kepala Menteri Datuk Patinggi Abang Johari Tun Abang Openg.

Nengah kemata penuh ba industri minyak enggau gis aktiviti ngepun enggau nangkanka nya meri kuasa nyerungkai pengeraja asal nya ngagai perintah negeri ari baruh Rintai Negeri nitihka Tusun 9 Konstitusyen Perintah Besai.

Bejaku ba dialog begulai enggau komuniti dagang ke diatur Balai Dagang enggau Perniagaan Industri Sarawak (SCCI) Pelilih Miri, iya nandu madahka kompeni ti deka enggau ba industri minyak enggau gis di negeri tu begunaka lisin engau permit, kelimpah teisika pinta Ordinan Ngelumbung Minyak tauka Ordinan Ngagih Gis.

Ku Abang Johari, pengawa dikereja niang Pehin Sri Adenan Satem ngulihka royalti minyak enggau gis sepenyampau 20 peratus udah dipejalaika, tang nya enda mudah laban Konstitusyen netapka penyampau 10 peratus.

Taja pia, Abang Johari mensia mayuh patut beratika nengah pengawa numbuhka Petros, gaya utai ke dituntut nya beguna agi lalu nyadika industri minyak enggau gis nyadi penegap dagang enggau pemansang mengeri tu. — DayakDaily